Dedaj: Kjo qeveri ka një problem me sistemin që ka ngritur
Nga OraNews Përditësimi i fundit 16 Shtator 2025, 21:55
Gazetari, Reldar Dedaj i ftuar në emisionin ‘’Ora e Betit’’ në Ora News u shpreh se kjo qeveri ka një problem me sistemin që ka ngritur.
Dedaj: Unë mendoj se kjo qeveri ka një problem me sistemin që ka ngritur.
Pavarësisht gjetja publicitare e një ministri të inteligjencës artificial do përbënte lajm apo jo.
Fakti është se këtu kemi një qeverisje e cila ka çeduar në mënyrën e mentalitetit dhe qasjes që ka ndaj sistemit.
Kjo është ajo çfarë përbën thelbin.
Unë e kam ndjekur me vëmendje kabinetin e ri qeveritar dhe emrat që kanë ardhur.
Aty kam gjetur figura të plotësuara, figura që e kanë mbyllur ciklin e tyre në profesion.
Pra ne nuk mund të themi se nuk ka pasur figura profesionistësh të afruara.
Madje pushteti e ka këtë fuqi që i tërheq elementë nga shoqëria civile apo nga bota e profesionalizmit për ti huazuar dhe për ti bërë pjesë.
Problemi qëndron se këta emra a do kenë kurajon ti mbivendosen sistemit që ka vendosur Rama prej 12 vitesh tashmë në qeverisje.
