VIDEO/ Deputetja e Lapajt “E NIS MBARË”, Ana Dajko mes emocionesh: Morëm 64 mijë mandate në 11 maj
Nga OraNews Përditësimi i fundit 12 Shtator 2025, 13:04
Deputetja e re Ana Dajko, e vetmja përfaqësuese e koalicionit “Nisma Shqipëria Bëhet” në Kuvend, u shfaq sot për herë të parë para mediave, mes emocioneve të forta.
60-vjeçarja, e vendosur në qendër të vëmendjes pas përplasjes publike mes Adriatik Lapajt dhe Endri Shabanit, pati edhe një moment lapsusi gjatë deklaratës së saj.
Teksa foli për rezultatin e zgjedhjeve, ajo tha: “64 mijë mandate…”, por u korrigjua menjëherë nga gazetarët se bëhej fjalë për vota.
Megjithë situatën e sikletshme, Dajko vijoi të ruante qetësinë, duke theksuar vendosmërinë për të nisur punën në Kuvend si përfaqësuese e koalicionit që siguroi një mandat.
