VIDEO-LAJM/ Pamjet e para brenda Kuvendit, Rama shkon te Manja, mungojnë përfaqësuesit e SPAK-ut
Nga Isa Myzyraj Përditësimi i fundit 12 Shtator 2025, 10:13
Sot, më 12 shtator, në orën 10:00 do të mbahet seanca e parë e Legjislaturës së XI-të të Kuvendit të Shqipërisë, e dalë nga zgjedhjet parlamentare të 11 majit.
Në sallë do të ulen 140 deputetë, mes tyre 72 që hyjnë për herë të parë.
Dhe ende pa nisur seanca e parë dhe pa zënë vend mirë në karriget e Kuvendit, deputeti demokrat Klevis Balliu ka nxjerrë në sallën e Kuvendi posterin e “KARTELIT- Shqipëria 2030”, ku në foto është Aleks Soros, i biri i filantropit Xhorxh Soros.
Ndërkaq, kryeministri Edi Rama u pa t’i afrohej ish-ministrit të tij, Ulsi Manja, i cili pas largimit nga drejtimi i Ministrisë së Drejtësisë, do të udhëheqë punën e Komisionit Parlamentar të Ligjeve.
Nga ana tjetër asnjë përfaqësues i Prokurorisë së Posaccme dhe asaj teë Përgjithshme nuk ka shkuar në seancën konstituive të Kuvendit të Shqipërisë
NDIQNI SEANCËN E PARË PLENARE TË LEGJISLATURËS SË RE
