FOTO+VIDEO/ “Pushtuan” Gjirin e Lalzit, procedohen penalisht 14 zaptuesit dhe iu sekuestrohen 1566 komplete me çadra dhe shezlongë
Nga OraNews Përditësimi i fundit 24 Korrik 2025, 10:33
Policia e Durrësit njofton se: “Vijojnë kontrollet masive në kuadër të operacionit policor të koduar “Plazhi i lirë”, përgjatë vijës bregdetare të qarkut Durrës.
Lirohen hapësira të tjera në plazhin e Gjirit të Lalzit, që ishin zënë në mënyrë të paligjshme.
Hiqen dhe sekuestrohen 1566 komplete me çadra dhe shezlongë.
Procedohen penalisht 14 shtetas.
Shërbimet e Stacionit të Policisë Manzë, në kuadër të plan-operacionit "Plazhi i lirë", kanë vijuar kontrollet përgjatë gjithë vijës bregdetare, me qëllim lirimin e hapësirave publike që zihen pa lejen përkatëse nga subjektet në bregdet, duke vënë çadra dhe shezlongë.
Gjatë kontrolleve, në disa hapësira publike, në plazhin e Gjirit të Lalzit, u hoqën dhe u sekuestruan në total 1566 komplete me çadra dhe shezlongë, që ishin vënë në mënyrë të paligjshme nga 14 shtetas.
Në vijim të veprimeve, u referuan materialet në Prokurori ku nisi procedimi në gjendje të lirë për shtetasit:
V. B., 28 vjeç, banues në Draç, Durrës;
E. L., 47 vjeç, banues në Tiranë;
D. K., 60 vjeç, banues në Shijak;
E. L., 33 vjeç, banues në Hamallaj;
L. M., 24 vjeç, banues në Shijak;
S. K., 31 vjeç, banues në Ishëm;
S. I., 57 vjeç, banues në Ishëm;
J. B., 38 vjeç, banues në Tiranë;
A. F., 53 vjeç, banues në Manzë;
Q. D., 30 vjeç, banues në Tiranë;
A. C., 39 vjeç, banues në Manzë;
L. L., 50 vjeç, banues në Tiranë;
F. A., 47 vjeç, banues në Tiranë;
E. Q., 59 vjeç, banues në Tiranë.
Shërbimet e Policisë do të vijojnë kontrollet përgjatë gjithë vijës bregdetare, me qëllim lirimin e hapësirave publike, për pushuesit, dhe verifikimin e aktiviteteve që kryejnë subjektet, gjatë sezonit veror”.
