Pilotët hungarezë zbresin në Farkë në ndihmë për përballimin e zjarreve
Nga OraNews Përditësimi i fundit 23 Korrik 2025, 22:27
Ministri i Mbrojtjes, Pirro Vengu, ishte sot në bazën ajrore të Farkës, ku përveç forcave shqiptare, ka takuar edhe dy pilotët hungarezë që kanë ardhur në ndihmë për shuarjen e zjarreve ën Shqipëri.
Sipas Vengut, kjo mbështetje, në kuadër të Mekanizmit të Mbrojtjes Civile të Bashkimit Europian, është dëshmi e bashkëpunimit të ngushtë dhe solidaritetit të fortë mes Shqipërisë, Hungarisë, Kroacisë dhe BE-së në përballimin e emergjencave natyrore.
“Në Bazën Ajrore të Farkës ku pata mundësinë të falenderoj nga afër pilotët hungarezë të dy helikopterëve H225m, të ardhur në ndihmë për përballimin e zjarreve në disa zona të vendit, krahas mjetit Canadair të Forcës ajrore kroate.
Kjo mbështetje, në kuadër të Mekanizmit të Mbrojtjes Civile të Bashkimit Europian, është dëshmi e bashkëpunimit të ngushtë dhe solidaritetit të fortë mes Shqipërisë, Hungarisë, Kroacisë dhe BE-së në përballimin e emergjencave natyrore.
Vigjilencë maksimale në orët dhe ditët në vijim. Dhe respekt po aq maksimal për 1300 efektivët civilë dhe ushtarakë të angazhuar në përballjen me flakët dhe temperaturat ekstreme” – shkruan Vengu.
