Plotësohen vakancat në këshillat bashkiakë në Tiranë, Durrës, Patos e Dibër
Nga OraNews Përditësimi i fundit 18 Korrik 2025, 07:46
Komisioneri Shtetëror i Zgjedhjeve plotësoi vakancat e krijuara në këshillat bashkiakë të katër bashkive.
Në mbledhjen e djeshme u plotësua vakanca në Këshillin e Bashkisë Dibër, me kandidatin nga lista shumemërore e “Partisë Socialiste të Shqipërisë”, Majlinda Poçi.
Po ashtu u plotësua vakanca në Këshillin e Bashkisë Patos me kandidatin nga lista shumemërore e Koalicionit “Bashkë Fitojmë”, Adile Alushaj.
Në Këshillin e Bashkisë Durrës u plotësua vakanca me kandidatin nga lista shumemërore e Koalicionit “Bashkë Fitojmë”, Mirela Shala.
Ndërsa në Këshillin e Bashkisë Tiranë, me kandidatin nga lista shumemërore e Partisë Socialiste të Shqipërisë, Sara Shameti.
Për sa i përket vakancës së krijuar në Këshillin e Bashkisë Sarandë, KSHZ vendosi shtyrjen e shqyrtimit dhe dhënien kohë subjektit “Partia Demokratike” për të paraqitur dokumentacionin që mbështet kërkesën e tyre për të mos e plotësuar këtë vakancë.
Gjithashtu, u shqyrtua rezultati i verifikimit të Prokurorit të Përgjithshëm për subjektin vetëdeklarues Ali Hekuran Gjeta, kandidat për anëtar në Këshillin e Bashkisë Bulqizë, qarku Dibër, i propozuar nga subjekti zgjedhor Aleanca Progresiste (LZHK), për zgjedhjet për organet e qeverisjes vendore të datës 14 maj 2023.
Komisioneri konstatoi se kandidati nuk është në kushtet e ndalimit të kandidimit/moszgjedhshmërisë.
