Alexis Saelemaekers rikthehet te Milani: Tani jam këtu për të qëndruar, më ka munguar kjo skuadër
Nga OraNews Përditësimi i fundit 7 Korrik 2025, 20:29
Pas përfundimit të huazimit të tij te Roma, Alexis Saelemaekers është rikthyer në shtëpinë e tij të vjetër, në Milanello.
Në një intervistë për “Milan TV” pas seancës stërvitore të ditës së sotme, belgu ka shprehur emocionet dhe vendosmërinë për të qëndruar te kuqezinjtë dhe për të dhënë maksimumin në sezonin e ri.
“Tani jam këtu për të qëndruar,” – deklaroi Saelemaekers. – “Jam shumë i lumtur që jam kthyer.
Më ka munguar Milani. Tani është momenti të bëjmë diçka të madhe këtë sezon.”
Mesfushori i krahut foli edhe për përvojën e tij gjatë huazimit: “Shkuarja në klube të tjera si huazim ka qenë një eksperiencë që më ka ndihmuar të rritem.
Por tani kam një ndjesi të fortë që dua të rifitoj gjithçka që kam lënë këtu, bashkë me të gjithë skuadrën.”
Ai shtoi se rikthimi në ambientin e njohur të Milanellos ka qenë emocional: “Është gjithmonë bukur të takosh përsëri të gjithë këtu.
Milani është si një familje për mua. Jam vërtet i lumtur për këtë.”
Me një frymë të qartë pozitive dhe përkushtim ndaj klubit, Saelemaekers synon të jetë një element kyç për Milanin në sezonin e ardhshëm, nën drejtimin e trajnerit të ri.
