Pse s’fitoi PD? Noka: Një shtet i tërë i kthyer në një makineri elektorale ishte gjithkund për të deformuar vullnetin e shqiptarëve
Nga OraNews Përditësimi i fundit 12 Maj 2025, 23:51
Teksa Partia Demokratike po shkon drejt humbjes së katërt radhazi në përballjet e saj me mazhorancën socialiste, Sekretari i Përgjithshëm i kësaj partie Flamur Noka renditi të gjitha problematikat e procesit zgjedhor të 11 majit.
Në një lidhje direkte studion e lajmeve maratonë mbi zgjedhjet parlamentare të së dielës në “Ora News”, nga Parku Olimpik aty ku po numërohen votat e Diasporës, Noka u shpreh se fitorja erdhi si pasojë e punës dhe programit.
“Në një sistem demokrat gjëja e parë ku ndodh një proces zgjedhor çdokush duhet të diskutojë a u bënë zgjedhje të lira dhe demokratike?!
Pasi të diskutohet kjo dhe të konludohet dhe më pas të diskutohet për fajet e njërit apo tjetrit.
Gjëja më e tmerrshme është që në këtë vend një sistem kriminal patronazhimi i organizuar me banda, një shtet i tërë i kthyer në një makineri elektorale ishte gjithkund për të deformuar vullnetin e shqiptarëve.
Çfarë ishte në këto zgjedhje që Edi Rama dhe rilindja nuk dhanë në fushatë një program? Pse? Sepse Edi rama nuk kishte asnjë shqetësim çështjen e rezultatit sepse e kishte mbyllur këtë me kohë.
Ai vrau votën dhe vullnetin e lirë.
Së dyti vendimi qeverisë për faljen e gjobave është një vendim për vota i pastër që Kodi Zgjedhor e ndalon. Po 100 mijë lekëshi që iu dha pensionistëve për fushatë a nuk është blerje vote?”, theksoi Flamur Noka.
NDIQNI MARATONËN LIVE TË ZGJEDHJEVE NË SHQIPËRI
