Fundjavë e keqe për familjen Mbappé: dëmtim i ri për Ethan, sezoni ka përfunduar

Nga OraNews Përditësimi i fundit 28 Prill 2025, 09:05

Një fundjavë për t'u harruar për familjen Mbappé. Kylian humbi Kupën e Mbretit kundër Barcelonës, Ethan u lëndua dje në fitoren e Lille në Angers.

18-vjeçari hyri në fushë në pjesën e dytë dhe u dëmtua menjëherë pas hyrjes në fushë (vetëm pesë minuta më vonë) për shkak të një problemi muskulor. Ai doli me barelë duke qarë me duar mbi fytyrë, ndërkohë që sezoni i tij duket i mbaruar, siç dëshmojnë edhe fjalët e trajnerit Bruno Genesio.

"Është një lajm shumë i keq. Më vjen keq për të: ai punoi shumë për t'u rikthyer dhe tani ka dëmtuar sërish bicepsin e femorisit. Është e vështirë".

Ethan Mbappé, i cili erdhi si transferim i lirë nga PSG në verë, ka luajtur vetëm 14 ndeshje në total këtë sezon, me më pak se 300 minuta dhe duke bërë vetëm dy starte si titullar. Deri më tani ai ka humbur 24 ndeshje për shkak të lëndimit: 146 ditë ndërprerje për shkak të problemeve fizike.