Dalin në shitje fanellat e titullit të 20-të për Liverpool, por Slot ka një mesazh për djemt e tij!
Nga OraNews Përditësimi i fundit 27 Prill 2025, 14:51
Dita më në fund erdhi. Arne Slot dhe Liverpool kanë nevojë për vetëm një pikë nga ndeshja e tyre e sotme në Premier League në shtëpi përballë Tottenham Hotspur, që të fillojnë festimet për titullin kampion.
Barazimi i mesjavës së Arsenalit me Crystal Palace i ka lënë të kuqtë e Slotit një hap larg titullit. Për disa tifozë, festimet kanë filluar tashmë, me turma të mbledhura rreth Anfield shumë kohë përpara fillimit të ndeshjes së orës 17:30.
Do të jetë titulli i parë i Slot në Premier League i siguruar që në sezonin e tij të parë në krye të tyre. Gjithashtu, Slot do të bëhet menaxheri i parë holandez që fiton trofeun prestigjioz. Megjithatë, fitorja e tyre e 2020-ës u vulos pa tifozë në stadium, kështu që ky titulli nëse vjen sot do të jetë përpara tifozerisë së tyre.
Me titullin e 20-të Premier League, Liverpool do të barazohet me Manchester United në renditjen e përgjithshme.
Mesazhi i slotit për lojtarët e tij
Në shënimet e tij të programit për ndeshjen e sotme, Arne Slot u kujtoi lojtarëve të tij se ka ende punë për të bërë përpara se të festojnë.
"Mesazhi kryesor sot është shumë i thjeshtë, ne kemi një punë për të bërë," shkroi ai. “Përfundimi në krye të kësaj lige do të ishte një arritje e jashtëzakonshme dhe pasi e kemi vënë veten në një pozicion për ta bërë këtë, tani duhet të përfundojmë punën që filloi në verën e vitit të kaluar”.
