Katër arsyet që Ancelotti të largohet nga Reali
Nga OraNews Përditësimi i fundit 1 Prill 2025, 16:10
Për një kohë të gjatë, Carlo Ancelotti ka qenë i gatshëm sa i përket dëshirës së tij për të vazhduar si trajner i Real Madridit, edhe pse e ardhmja e tij në “Santiago Bernabeu” është e dyshimtë.
Tekniku italian është lidhur me një largim të mundshëm nga kryeqyteti spanjoll prej kohësh, por gjithmonë ka qenë i vendosur për të qëndruar në klub deri në përmbushje të kontratës.
Sidoqoftë, një raportim i ri nga “The Athletic” sugjeron se Ancelotti po e diskuton të ardhmen e tij te Real Madridi.
Raporti përmend disa faktorë të ndryshëm të cilët po thuhet se kanë ndikim në mendjen e italianit.
Ancelotti thuhet se është në dijeni për bisedimet mes Real Madridit dhe Xabi Alonsos për të marrë drejtimin në të ardhmen e afërt.
Ndër të tjera, besohet se Ancelotti po ndihet i konsumuar nga këto katër vite sa ka qenë në krye të Real Madridit.
Për më shumë, djali dhe asistenti i tij, Davide Ancelotti, ka vendosur të largohet nga Real Madridi në fund të sezonit.
Ky vendim, në rast se zbatohet, do të ishte një goditje e madhe për Carlo Ancelottin, ndoshta duke e detyruar të largohet nga Spanja.
Një tjetër arsye ka të bëjë me lajmet që po qarkullojnë mbi të ardhmen e tij, për të cilat Ancelotti dyshon se po i bën dikush nga klubi.
Duke pasur të gjitha këto në mendje mes interesimit nga kombëtarja e Brazilit që është e interesuar për Ancelottin, me gjasë ky do të jetë sezoni i tij i fundit si trajner i madrilenëve.
