Edon Zhegrova rikthehet në stërvitje me Lille, por mungon me Dortmundin në Champions
Nga OraNews Përditësimi i fundit 11 Mars 2025, 16:40
Sulmuesi i Kosovës, Edon Zhegrova, është rikthyer në stërvitje me skuadrën e Lille pas një periudhe të gjatë mungese.
Lille postoi disa fotografi ku Zhegrova shihet duke u stërvitur individualisht, duke e përshkruar si “një tjetër lajm i mirë”.
Megjithatë, Zhegrova nuk do të jetë i gatshëm për ndeshjen kundër Borussia Dortmund.
Lille do të presë Dortmundin të mërkurën në ora 18:45 për ndeshjen e kthimit të 1/8 së Ligës së Kampionëve, pas barazimit 1-1 në ndeshjen e parë.
Zhegrova zhvilloi ndeshjen e tij të fundit në kampionatin francez kundër Marseille më 14 dhjetor.
Ai do të jetë edhe jashtë listës së Kosovës për ndeshjen me Islandën.
