Akuzohej nga SPAK se lejoi kultivimin e kanabisit kur ishte shef krimesh, GJKKO pushon çështjen e kryebashkiakut të PS-së
Nga Edison Vatnikaj Përditësimi i fundit 5 Mars 2025, 10:51
Pushohet dosja ndaj kryetarit të Bashkisë Libohovë, Leonard Hide. Ndaj tij ishin ngritur akuzat e shpërdorimit të detyrës.
Hide akuzohej nga Prokuroria e Posaçme se gjatë detyrës së tij si shef krimesh në Policinë e Gjirokastrës ka favorizuar grupet kriminale në kultivimin e kanabisit.
Hide do të deklaronte më herët se ai dhe Partia Socialiste nuk ishte në dijeni se po hetohej nga SPAK ndaj edhe kandidoi për të marrë postin e kryebashkiakut të Libohovës.
Parcelat me kanabis për të cilat akuzohet Hide dhe funksionar të tjerë lokal të policisë, u zbuluan gjatë një operacioni të shërbimit për çështjet e brendshme dhe ankesat dhe Prokurorisë Gjirokastër.
Hide mori mandatin e kryetarit të Bashkisë së Libohovës në zgjedhjet e 14 majit nën siglën e Partisë Socialiste.
