Llogaritë e raundit të fundit të Championsit, shanset e skuadrave për t’u kualifikuar

Nga OraNews Përditësimi i fundit 28 Janar 2025, 22:34

Mundësitë dhe nevojat e skuadrave në ndeshjet e së mërkurës, në raundin e fundit, për të vazhduar në Ligën e Kampionëve.

PSV-Liverpool:

PSV: Praktikisht i kualifikuar edhe nëse humbet.

Liverpool: Mjafton një pikë për të përfunduar i pari, ose që Barcelona të mos fitojë.

Bayern-Slovan

Bayern: Duhet të shënojë shumë gola për të përfunduar sa më lart nga vendi i 9-të deri i 16-të. Gati e pamundur të jetë mes tetë të parëve.

Slovan: I eliminuar.

Dortmund-Shakhtar

Dortmund: Duhet të shënojë shumë gola për të përfunduar sa më lart nga vendi i 9-të deri i 16-të. Gati e pamundur të jetë mes tetë të parëve.

Shakhtar: Ka nevojë për një mrekulli. Duhet të shënojë shumë dhe të përfitojë nga disa rezultate të favorshme.

Leverkusen-Sparta Praga

Leverkusen: Duhet të fitojë dhe, mundësisht, të shënojë shumë gola për t'u siguruar mes tetë të parëve, pasi Aston Villa është i nënti me pikë të barabarta dhe vetëm një gol më pak.

Sparta e Pragës: E eliminuar.

Girona-Arsenal

Girona: E eliminuar.

Arsenali: Me një pikë futet mes tetë të parëve. Edhe nëse humbet, është gati e pamundur që të mbetet jashtë, pasi duhet ta kalojnë gjashtë skuadra, ndërsa diferenca aktuale është +12.

Barcelona-Atalanta

Barcelona: Nuk mund të bjerë poshtë vendit të pestë nëse humbet. Nëse fiton dhe Liverpool-i humbet, bëhet e para.

Atalanta: Nëse fiton, përfundon mes tetë të parëve. Nëse humbet, ka shumë gjasa të mbetet jashtë. Në rast barazimi, mbetet jashtë tetëshes nëse fitojnë dy nga këto tri skuadra: Leverkusen, Aston Villa, Feyenoord ose Lille.

Brest-Real Madrid

Brest: Nëse fiton, mund të përfundojë mes tetë të parëve, por ka nevojë për shumë rezultate të favorshme. Nëse barazon, mbetet aty ku është (13) ose më poshtë. Nëse humbet, gati me siguri bie nga vendi i 17-të deri në të 24-tin.

Real Madrid: Duhet të fitojë dhe, mundësisht, të shënojë shumë gola për të përfunduar sa më lart nga vendi i 9-të deri i 16-të. Gati e pamundur të jetë mes tetë të parëve.

Manchester City-Club Brugge

City: Nëse fiton, kualifikohet. Nëse shënon shumë gola, mund të përfundojë deri në vendin e 19-të, por jo më lart. Nëse barazon ose humbet, eliminohet.

Club Brugge: Nëse barazon ose fiton, kualifikohet. Nëse humbet, është shumë e vështirë të mbetet jashtë. Duhet që Benfica, Sportingu dhe Dinamo Zagrebi të fitojnë, dhe gjithashtu Stuttgarti dhe PSG të barazojnë.

Young Boys-Crvena Zvezda

Të dyja të eliminuara.

Lille-Feyenoord

Duel direkt mes vendit të 11-të dhe të 12-të. Fituesi mund të përfundojë mes tetë të parëve, por është shumë e vështirë. Duhet që të mos fitojnë tri nga këto katër skuadra: Atalanta, Leverkusen, Aston Villa dhe Monaco (duke supozuar se fitojnë Atletico dhe Milani).

Juventus-Benfica

Juventusi: Duhet të fitojë dhe, mundësisht, të shënojë shumë gola për të përfunduar sa më lart nga vendi i 9-të deri i 16-të. Gati e pamundur të jetë mes tetë të parëve.

Benfica: Kualifikohet nëse fiton. Edhe nëse barazon, është gati e sigurt për të kaluar, përveçse ndodh ndonjë mrekulli, përfshirë një humbje të thellë të Milanit nga Dinamo e Zagrebit.

Aston Villa-Celtic

Aston Villa: Duhet të fitojë dhe, mundësisht, të shënojë shumë gola për të tentuar të renditet mes tetë të parëve. Ka një gol për të rikuperuar ndaj Leverkusenit dhe hyn vetëm nëse e tejkalon atë diferencë. Nëse nuk ia del, i duhet që një nga Atlético, Milan ose Atalanta të mos fitojë.

Celtic: Nëse fiton, mund të ngjitet në renditje (aktualisht në vendin e 18-të) dhe të futet në grupin nga vendi i 9-të deri i 16-të. Pothuajse e pamundur të futet mes tetë të parëve. Nëse barazon, mund të hyjë mes vendeve 9-16.

 Dinamo Zagreb-Milan

Dinamo Zagreb: Nëse fiton, mund të kualifikohet me kombinime të ndryshme. Më e qarta është që City të mos fitojë. Për shembull, nëse City fiton, do t’i mjaftonte që ndeshja Stuttgart-PSG të mos përfundonte në barazim, ose që Benfica ose Sportingu të humbasin njërën nga ndeshjet e tyre. Çdo barazim me 11 pikë do të ishte shumë i vështirë për Dinamon për shkak të diferencës aktuale të golave (-8). Kombinimi më i mundshëm do të ishte që Manchester City të shkatërronte Club Brugge (i cili ka diferencë -2 aktualisht) dhe Zagrebi të kalonte belgët me golavarazh.

Milan: Nëse fiton, përfundon mes tetë të parëve dhe mund të renditet deri në vendin e katërt. Nëse barazon ose humbet, mund të mbetet jashtë tetë të parëve. Dy nga këto ekipe duhet ta kalojnë me pikë dhe/ose gola: Atalanta, Leverkusen, Aston Villa, Monaco, Feyenoord, Lille ose Brest.

Inter-Mónaco

Inter: Nëse fiton, mund të renditet deri në vendin e dytë. Nëse barazon, mund të bjerë deri në vendin e shtatë, por jo më poshtë. Nëse humbet, mund të mbetet jashtë tetë të parëve nëse e kalojnë me pikë dhe/ose gola pesë nga këto ekipe: Atlético, Milan, Atalanta, Leverkusen, Aston Villa, Monaco, Feyenoord, Lille ose Brest. Kjo është shumë e vështirë, sidomos për shkak të diferencës së lartë të golave (+7).

Monaco: Nëse fiton, mund të futet mes tetë të parëve, por kjo varet nga shumë rezultate dhe, ndoshta, diferencat e golave. Nëse barazon, përjashtohet nga tetë të parët përveçse ndodh ndonjë mrekulli e pabesueshme. Nëse humbet, ka gjasa të bjerë nën vendin e 16-të.

Sturm Graz-RB Leipzig

Të dyja skuadrat janë eliminuar.

Salzburg-Atlético

Salzburg: I eliminuar.

Atlético: Nëse fiton, përfundon mes tetë të parëve dhe mund të jetë deri në vendin e tretë. Nëse barazon ose humbet, mbetet jashtë tetë të parëve nëse e kalojnë katër nga këto skuadra: Milan, Atalanta, Leverkusen, Aston Villa, Monaco, Feyenoord, Lille ose Brest.

Sporting-Bolonga

Sporting: Nëse fiton, kualifikohet mes 24 më të mirëve. Mund të përfundojë nga vendi i 9-të deri tek i 16-ti, por kjo është shumë e vështirë. Nëse barazon, kualifikohet përveçse ndodh ndonjë mrekulli kundër. Nëse humbet, mund të mbetet jashtë vetëm nëse ndodhin të gjitha këto: Benfica nuk humbet, Stuttgart dhe PSG barazojnë ose Stuttgart fiton me tre gola diferencë ose më shumë, City fiton dhe Dinamo Zagreb fiton.

Bolonga: E eliminuar.

Stuttgart-PSG

Duel direkt. Fituesi kualifikohet. Nëse barazojnë, gjithçka varet nga rezultatet e ndeshjeve të tjera: City (Brugge), Dinamo Zagreb, Sporting, Benfica dhe madje edhe PSV. Pothuajse e njëjta gjë mund të thuhet për ekipin që humbet, me destinacionin e tij që varet nga këto rezultate. Stuttgart është në disavantazh nëse humbet, pasi ka një diferencë golash -1, ndërsa PSG është +2.