Baste sportive në lokal/ Pranga 30-vjeçarit në Sarandë, procedohet një tjetër
Nga OraNews Përditësimi i fundit 16 Dhjetor 2024, 12:02
Një 30-vjeçar është arrestuar teksa një 43-vjeçar është proceduar në gjendje të lirë nga policia në Sarandë.
Këta persona u kapën në flagrancë duke organizuar lojëra fati, me celularë.
Gjatë kontrollit në lokalin e 30-vjeçarit, u gjetën dhe u sekuestruan në cilësinë e provës materiale 3 celularë që dyshohet se përdoreshin për këtë veprimtari të paligjshme.
Njoftimi i policisë:
Sarandë/Kontrolle të befasishme në lokale ku dyshohet se ushtrohet veprimtaria e paligjshme e lojërave të fatit.
Arrestohet 1 shtetas dhe procedohet në gjendje të lirë 1 tjetër, pasi u kapën në flagrancë duke organizuar lojëra fati, me celularë.
Shërbimet e Komisariatit të Policisë Sarandë, gjatë kontrolleve të befasishme në ambiente të ndryshme, konstatuan se në një lokal në lagjen nr. 1, organizoheshin lojëra fati të paligjshme.
Për këtë rast, u arrestua në flagrancë shtetasi F. H., 30 vjeç, banues në Sarandë. Gjatë kontrollit në lokalin e tij, u gjetën dhe u sekuestruan në cilësinë e provës materiale 3 celularë që dyshohet se përdoreshin për këtë veprimtari të paligjshme.
Gjithashtu, nisi procedimi në gjendje të lirë për shtetasin A. B., 43 vjeç, banues në Sarandë, i dyshuar i përfshirë në këtë veprimtari të paligjshme.
Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.
