U kapën me 3 kg lëndë narkotike në makinë, arrestohen 2 persona në Tiranë
Nga OraNews Përditësimi i fundit 28 Nëntor 2024, 14:43
Tre persona të cilët u kapën me lëndë narkotike në makinë, kanë përfunduar në prangat e policisë së Tiranës.
Policia njofton se në kuadër të operacionit "Zalli", për goditjen e veprimtarive kriminale në fushën e narkotikëve, kanë arrestuar dy të rinj me iniciale M. B., 30-vjeç dhe S. R., 23-vjeç.
Gjatë operacionit, policia ka ushtruar kontroll në automjetin e M. B., ku kanë gjetur dhe sekuestruar në cilësinë e provës materiale 3 kg e 100 gramë lëndë e dyshuar narkotike kanabis.
Finalizohet nga Seksioni për Hetimin e Narkotikëve, operacioni policor i koduar "Zalli".
Sekuestrohen rreth 3 kg e 100 gramë lëndë e dyshuar narkotike kanabis, arrestohen dy shtetas.
Shërbimet e Seksionit për Hetimin e Narkotikëve, në vijim të operacioneve të njëpasnjëshme për goditjen e veprimtarive kriminale në fushën e narkotikëve, të mbështetura nga inteligjenca policore, kanë organizuar dhe kanë finalizuar operacionin policor të koduar "Zalli".
Gjatë operacionit u arrestuan shtetasit M. B., 30 vjeç, dhe S. R., 23 vjeç, të dy banues në Tiranë.
Shërbimet e Policisë kanë lokalizuar në Babrru, dy shtetasit e lartpërmendur dhe gjatë kontrollit të automjetit të shtetasit M. B., gjetën lëndën e dyshuar narkotike e cila u sekuestrua në cilësinë e provës materiale.
Materialet i kaluan Prokurorisë.
