Vatikan Bank, Papa Françesku kërkon hetim gjithëpërfshirës
Nga OraNews Përditësimi i fundit 26 Qershor 2013, 19:07
Papa Françesku po ndërmerr një studim gjithëpërfshirës për bankën e Vatikanit që është përfshirë së fundi në një varg akuzash për pastrim parash, njoftoi sot Selia e Shenjtë.Në hapin e tij të parë drejt reformës reale, Papa do t’i qaset kësaj ndërmarrjeje me një centralizëm, pasi është siguruar se komisioni pesë-anëtarësh t’i raportojë drejtpërdrejt vetëm atij për gjetjet.76-vjeçari është posaçërisht i interesuar që “të njohë më mirë aktivitetet dhe pozitën juridike” të Institutit për Punët e Religjionit (IOR), i cili është munduar t’ia heqë imazhin e vrazhdë pas raportimeve të vazhdueshme të marrëveshjeve jo-ligjore që ka lidhur Banka e Vatikanit, shkruan AFP.Selia e Shenjtë ka thënë se ky komision do të ketë qasje në gjithçka, për t’i lejuar që të shohë të gjithë dokumentacionin.Banka e Vatikanit ka një histori të trazuar, e cila përfshin edhe kolapsin e "Banco Ambrosiano", ku Selia e Shenjtë ishte hisedari kryesor. Kjo bankë akuzohet për shpëlarje parash për mafian siciliane.Drejtori i "Banco Ambrosiano", Roberto Calvi, i pagëzuar nga mediat italiane si “Bankieri i Zotit”, është gjetur i varur në urën Blackfair të Londrës në vitin 1982.Dyshohet se vrasja e tij është kryer nga mafiozët.
