VIDEO/ Njëra në shtëpi tjetra në burg, policia sqaron “fatin” e dy motrave Berisha që rra*hën Klea Prengën
Nga OraNews Përditësimi i fundit 16 Tetor 2024, 20:15
Policia ka dalë në njoftim zyrtar pas prangosjes së dy motrave Berisha që dhunuan barbarisht Klea Prengën në gusht të këtij viti.
Policia sqaron se janë ekzekutuar masat e sigurisë ndaj tyre, konkretisht “arrest me burg” për Marielën dhe “detyrim paraqitje” për Antonelën.
NJOFTIMI I POLICISË:
Në vijim të njoftimit të dhënë më datë 09.08.2024, ku në një lokal te Kodra e Diellit, shtetaset A. B. dhe M. B. (motra) kanë goditur me shishe qelqi në fytyrë shtetasen K. P., ju njoftojmë se:
Sot më datë 16.10.2024, rreth orës 19:00, këto dy shtetase janë vetëdorëzuar në Drejtorinë Vendore të Policisë Tiranë.
Në vijim të veprimeve u bë ekzekutimi i vendimit penal të Prokurorisë pranë Gjykatës së Shkallës së Parë të Juridiksionit të Përgjithshëm Tiranë e cila ka caktuar masën e sigurimit personal "Arrest në burg", në mungesë, ndaj shtetases Mariela Berisha, dhe masën e sigurimit "Detyrimi për tu paraqitur në Policinë Gjyqësore" ndaj shtetases Antonela Berishës.
Materialet i kaluan Prokurorisë.
