''Kundër gangove me pushtet''/ Vrasja e Egli Progës, nis marshimi i qytetarëve në Sheshin ''Skënderbej''
Nga OraNews Përditësimi i fundit 19 Gusht 2024, 19:50
Ka nisur në Sheshin Skënderbej protestë-marshimi për vrasjen e Egli Progës në Pogradec.
Dhjetëra qytetarë janë mbledhur në shesh me pankarta në duar, për të protestuar për vrasjen e të riut.
Protestuesit mbanin në duar foton e Egli Progës, por edhe pankarta të ndryshme si “A fshihet e vërteta?”, “Kërkojmë drejtësi”, “Kundër gangove me pushtet” etj.
Mes protestuesve është edhe motra e Egli Progës.
Qytetarët po marshojnë nga Sheshi Skënderbej në drejtim të kryeministrisë.
Kujtojmë se për vrasjen e Progës, reagoi edhe kryeministri Edi Rama dhe funksionarë të lartë të policisë, që thanë se efektivët dhe ambulanca kanë kryer detyrën.
Për rastin, pati dhe përplasje mes Policisë dhe Prokurorisë.
