Gomez bëhet me motër
Nga OraNews Përditësimi i fundit 14 Qershor 2013, 17:23
Dita e premte solli një "dhuratë" të veçantë për Selena Gomez… ajo u bë me motër. Mandy Teefey, e ëma e aktores, këngëtares dhe "show-girl" 20-vjeçare solli në jetë vajzën e saj të dytë në një maternitet në Los Anxhelos, në të cilin u shoqerua nga bashkëshorti Brian dhe familjarë të tjerë.
Selena është vajza e martesës së mëparshme të Mandy, me Ricardo Gomez.
Që prej vitit 2006, nëna e Selenës ishte rimartuar dhe kishte tentuar edhe më parë të zgjeronte familjen e saj, por në vitin 2011 një shtatzani u ndërpre nga një dështim i papritur, për shkak të një barre jashtë mitre.
Shtatzaninë e nënës së saj, kishte qenë Selena që e kishte shpallur më parë gjatë marsit, në ditën e festës së nënës.
