"Rithemelimi" depoziton draftin për rritjen e pensioneve në 300 euro: Trajtim dinjitoz i pensionistëve
Nga OraNews Përditësimi i fundit 19 Mars 2024, 13:53
Grupi Parlamentar i PD-së së Rithemelimit ka depozituar në Kuvend projektligjin për rritjen e pensioneve në masën minimale 300 euro.
Në emër të grupit, Gazment Bardhi thekson se trajtimi dinjitoz i pensionistëve është tregues i një shoqërie të emancipuar.
Njoftimi i PD-së
Grupi Parlamentar i Partise Demokratike ka ndermarre nje nisme ligjore qe synon rritjen e pensioneve minimale, vecanerisht pensionisteve ne zonat rurale, duke vendosur nje standard minimal te mases se pertitimit, pavaresisht llojit te pensionit, si dhe duke zhbere ato parashikime ligjore qe e kufizojne te drejten e perfitimit te pensionit me terheqjen ose jo te tij gjate tre viteve te fundit. Trajtimi dinjitoz i nje prej shtresave me vulnerabel te vendit eshte nje tregues i nje shoqerie te emancipuar, ne paqe sociale dhe ku vleresohet drejte puna dhe sakrificat shumevjecare te bashkeqytetareve tane.
Konkretisht, nderhyrja në ligj synon qe te vendose nje standard minimal per masen e perfitimit te pensionit ne vendin tone, pavaresisht llojit te ketij pensioni, duke filluar nga viti 2024 ne masen e pensionit mesatar rreth 18 mije leke dhe duke vijuar ne progresion rrites per 5 vitet e ardhshme, me qellim qe ne vitin 2029 te mos kete pensione mete uleta se 32 mije leke (rreth 300 euro). Kjo mase perfitimi eshte pothuajse e barabarte dhe ne disa raste me e ulet se perfitimet qe kane pensionistet ne vendet e rajonit, si Kosova (309 euro), Mali i Zi (425 euro), Maqedonia e Veriut (320 euro) dhe Serbia (390 euro).
Qeveria shqiptare i ka mundesite financiare per te perballuar kete kosto financiare, nese fondet e saj nuk do t'i alokoje per mobilime zyrash, blerja makinash, karburant (konkretisht ulja me 25% e shpenzimeve operative te qeverisjes qendrore), si dhe tendera e koncesione qe pasurojne oligarket, por qe mbeshtesin shtresen e pensionisteve per t'u ushqyer me mire, per t'u kujdesur per shendetin dhe per te perballuar kostot e jeteses.
Dokumenta bashkëngjitur
