VIDEO/ Fitore karakteri, Vllaznia thyen tersin me Egnatian, mund kryesuesit në ''Loro Boriçi''

Nga OraNews Përditësimi i fundit 17 Shkurt 2024, 19:07

Vllaznia fiton 2-1 ndaj Egnatias në shtëpi, në përballjen e javës së 24 të Superiores.

Shkodranët e filluan ndeshjen me “marshin e pestë” dhe ia dolën të zhbllokojnë takimin që në minutën e 3-të me Bekim Balaj.

Skuadra nga Rrogozhina nuk u pajtua assesi me rezultatin dhe u kundërpërgjigj me Ndrecën, në minutën e 27-të. 

Një goditje e Grudes në minutën e 54-të i dhuroi golin e avantazhit skuadrës së Qatip Osmanit.

Pak më vonë, Vllaznia shfaq pakënaqësi ndaj arbitrimit, pas një ndërhyrje të Xhemajlit ndaj Çobës.

Xhemajli, i ndëshkuar me karton të verdhë në fillim të sfidës, mund të kishte mbyllur ndeshjen përpara kohe, por kryesori vendosi që gjithçka ishte e rregullt.

Pavarësisht 5 minutave shtesë, rezultati mbeti i pandryshuar deri në fund.

Vllaznia renditet në vendin e 3-të me 40 pikë, 8 pikë më pak se Egnatia kryesuese.

Golat:

https://streamin.one/v/7656269f

https://streamin.one/v/b3fb2959

https://streamin.one/v/4d1a1d3c