VIDEO/ Gol me “mesazh” për kritikët, VAR i prish festën dhe hap polemika për Uzunin

Nga OraNews Përditësimi i fundit 3 Shkurt 2024, 20:19

Myrto Uzuni kërkonte të bëhej protagonist në ndeshjen e sotme të Granadës ndaj Las Palmas në La Liga, por për fat të keq, sulmuesi nuk ia doli që të linte shenjë në rezultatin e sfidës.

Sulmuesi shqiptar e nisi ndeshjen e sotme nga stoli për t’u aktivizuar vetëm në fillimin e pjesës së dytë në radhët e skuadër së tij, e cila kishte mbetur me 10 lojtarë që në minutën e 21-të të këtij takimi.

Në minutën e 74-t, ai kishte mundësinë e artë të kthehej në heroin e skuadrës, teksa në vijimin e një kundërsulmi të shpejtë çoi sferën në rrjetë për atë që do të kishte qenë goli i avantazhit 2-1.

Por vijërojtësi sinjalizoi për pozicion jashtë loje, që e konfirmoi edhe VAR-i, duke i prishur festimin me “mesazh” të sulmuesit.

Ky i fundit ishte kritikuar pas penalltisë së humbur pak ditë më parë dhe pasi çoi sot topin në rrjete, vuri gishtin në buzë për të heshtur kritikët.

Festë që nuk e çoi deri në fund pasi goli iu anulua, por që bëri sulmuesin objekt diskutimesh në rrjet, pasi tifozët mendonin se e kishte tepruar me këtë lloj festimi, pasi ai mbetej një nga lojtarët më të vlerësuar në skuadër.