Po shkëlqen në Holandë, katër klube londineze të fiksuar pas ''yllit'' të Feyenoordit

Nga OraNews Përditësimi i fundit 15 Janar 2024, 15:24

Santiago Gimenez është një nga emrat më të kërkuar në merkato.

Sulmuesi meksikan po performon shumë mirë me Feyenoordin në Eredivisie.

Sezonin e kaluar shënoi 23 gola në të gjithë kompeticionet, duke dhënë një kontribut të madh në rikthimin e skuadrës nga Roteedami te titulli kampion pas 6 vitesh.

22-vjeçari i lindur në Buenos Aires, po shkëlqen edhe në sezonin e dytë me Feyenoordin, teksa kryeson renditjen e golashënuesve në kampionatin holandez me 19 gola.

Ndërkohë që shënoi edhe 2 gola në grupet e Champions League.

Katër klube angleze po punojnë për ta transferuar në Premier League.

Arsenali mbi të gjithë, por edhe Chelsea, pavarësisht se “Blutë e Londrës” janë fokusuar tek arritja e një akordi me Karim Benzema.

Gimenez, autor i 24 ndeshjeve dhe 4 golave me kombëtaren meksikane, pëlqehet shumë edhe nga West Ham dhe Fulham, dy klube të tjera të kryeqytetit anglez.

Feyenoordi kërkon të paktën 40 mln paund për ta lënë të lirë.