Heqja e imunitetit të Berishës, Andoni: Gjithçka ishte e pritshme, njerëzit donin të shikonin reagimin e brendshëm në parlament
Nga Anila Zyberaj Përditësimi i fundit 21 Dhjetor 2023, 13:18
Analisti Ben Andoni në një intervistë në Ora News foli për heqjen e imunitetit të ish-kryeministrit Sali Berisha nga Kuvendi. Andoni u shpreh se gjithcka ishte e pritshme dhe se publiku ishte më shumë i interesuar për të parë reagimin e njerëzve të PD-së në Parlament.
‘’Po nuk është se prisnim ndonjë gjë më të madhe.
E vetmja gjë që pritej sot ishte thjesht reagimi i brendshëm në Parlament dhe gjithashtu mbështetja e komunitetit të mbështetësve të grupit të Rithemelimit për Berishën.
Kjo ishte pritshmëria. Nga dita e hënë, unë besoj se do jetë masë kufizmi në shtepi për shkak të moshës të zotit Berisha.
Pastaj fillon realisht përballja e Berishës, e njerëzve të tij që bëjnë mbrojtjen ligjore me hallkat e drejtësisë.
Gjithcka ishte e pritshme. Publiku ka qenë i predispozuar të shikonte reagimin e njerëzve të PD në parlament’’, tha ndër të tjera Andoni.
