Bundesliga/ Gjashtë fitore radhazi, Leverkusen marshon drejt titullit, zhgënjen Leipzigu
Nga OraNews Përditësimi i fundit 4 Nëntor 2023, 17:44
Bayer Leverkusen nuk ndalet as në Hoffenheim, ndërkohë që Leipzigu bie në Mainz. Fitore në transfertë arriti Eintracht Frankfurt, teksa u mbyllën pa fitues takimet Freiburg-M’Gladbach dhe Koln-Augsburg.
“Aspirinat” e Xabi Alonsos fituan 2-3 në transfertë, duke regjistruar suksesin e gjashtë radhazi dhe duke u konfirmuar në vendin e parë në Bundesliga.
Golat e Florian Wirtz dhe Alejandro Grimaldos (2x) i dhuruan Leverkusenit tri pikë tepër të rëndësishme për objektivin titull.
Leipzigu humbi 2-0 në fushën e Mainzit, me skuadrën e Brajan Grudës dhe Nelson Weiper që arriti fitoren e parë sezonale në Bundesliga.
Dy futbollistët shqiptarë nuk luajtën sot për arsye dëmtimesh. Vijon kriza e Union Berlin, që u thye 0-3 në kryeqytet nga Eintracht Frankfurt.
Barazim spektakolar në Freiburg-M’Gladbach (3-3), teksa Koln-Augsburg përfundoi në barazim 1-1.
