“Druri ka dalë nga xheneti”, Kryemadhi: Kam patur fletëthirrje nga SPAK për inceneratorët
Nga OraNews Përditësimi i fundit 30 Tetor 2023, 18:11
Deputetja e Partisë së Lirisë, Monika Kryemadhi ka deklaruar se nuk i ka ardhur mirë nga skena e dhunës që ka patur në parlament, por sipas saj, demokracia dhe toleranca në vend, janë dëmtuar rëndë.
Kryemadhi ka ironizuar dhe lajmet kundra saj dhe Ilir Metës, teksa tha se “biznesi më fitimprurës në Shqipëri, tashmë nuk është më ndërtimi, por fake news”.
Ajo tha se ka patur shumë fletëthirrje nga SPAK për inceneratorët, por është në pritje të shkojë sërish.
“Unë kam patur shumë fletëthirrje nga SPAK që kanë lidhje me denoncimet për inceneratorët e Elbasanit dhe Fierit.
S’kam problem të shkoj sërish edhe për operacionet plastike pres të më thërrasë SPAK, s’jam thirrur akoma dhe jam në pritje! Jo nuk jam thirrur për lobimin”- tha Kryemadhi.
E pyetur për dhunën në Kuvend, Kryemadhi është shprehur se “druri ka dalë na xheneti”.
Monika Kryemadhi: Nuk më vjen mirë për përplasje të tilla. Toleranca dhe demokracia në Shqipëria janë të cënuara. Biznesi më ftimprurës sot është fake news, sepse ndërtohen projekt ligje në bazë të saj. So situata e lirisë dhe e të drejtave është në një stad që nuk përfshin asnjë lloj sistemi të drejtësisë. Jemi republika e drogës. Rama nuk pyet për askënd dhe të gjitha instiucionet i binden atij.
Për mua, Arbër Malltezi është i burgosur politik, Sali Berisha është i përndjekur politik. E njihni Berlusconin që ka patur nja 4-5 çështje, por nuk i ka hequr njeri pasaportën Berlusconit.
Loja politike që përdoret është shumë e shëmtuar dhe nuk është se krijon ndonjë efekt, terror psikologjik tek bizneset dhe qytetarët.
