Sulmet nga Hamasi, Izraeli ndërpret energjinë elektrike në Rripin e Gazës
Nga OraNews Përditësimi i fundit 7 Tetor 2023, 19:33
Me luftën më kritike të gjysmëshekullit të fundit në kulmin e saj, qeveria izraelite bëri një lëvizje tjetër vetëmbrojtjeje, veçanërisht duke ndërprerë energjinë elektrike në Gaza dhe Palestinë. Avionët luftarakë më herët goditën dy ndërtesa të larta në Gaza, ku sipas një deklarate të forcave ajrore të vendit, është vendosur "infrastruktura ushtarake" e Hamasit.
Ky njoftim erdhi menjëherë pas sulmit izraelit në Kullën Palestineze në Gaza. Në fakt, sulmi u regjistrua teksa korrespondentja e Al Jazeera, Youmna El Sayed po transmetonte drejtpërdrejt zhvillimet.
“Forcat Ajrore sulmuan dy objekte ushtarake të anëtarëve të lartë të organizatës terroriste Hamas brenda ndërtesave të larta”, tha Forca Ajrore izraelite, pa dhënë vendndodhjen e saktë. Në deklaratën e Forcave Ajrore thuhet se Hamasi po e vendos ushtrinë e tij në zemër të popullatës civile në Rripin e Gazës.
Sipas të dhënave të fundit, izraelitë të vdekur janë 100, dhjetëra janë pengje dhe mijëra janë të plagosurit që kanë ardhur në spitale. 198 palestinezë përkatës janë vrarë në sulmet ajrore izraelite, thanë zyrtarët shëndetësorë të Gazës.
