VIDEO/ Super Lautaro, "Demi" shënon 4 gola dhe rikthen Interin në krye të Serie A

Nga OraNews Përditësimi i fundit 30 Shtator 2023, 22:43

Një super Lautaro Martinez ka mjaftuar që Interi të rikthehet tek fitorja në kampionat. Zikaltërit dolën me tre pikë nga transferta e Salernitanës, pasi fituan 4-0.

Sulmuesi argjentinas ishte i papërmbajtshëm pasi realizoi katër gola. Pjesa e parë u mbyll pa gola, ndërsa në fraskionin e dytë të lojës Lautaro shpërtheu.

Në minutën e 62, Lautaro shënoi golin e parë pas një asistimi nga Thuram. Më pas në të 77-ën, ishte rradha e Barellas për të asistuar, ndërsa shënuesi ishte i njëjti. Lautaro kompletoi hat trickun e tij, 5 minuta nga fundi pasi ktheu në gol një penallti.

Por sulmuesi argjentinas nuk e kishte thënë ende fjalën e fundit, pasi në minutën e 89-të shënoi edhe golin e katërt. Në këtë ndeshje, Asllani u fut si zëvendësues dhe iu afrua shumë golit në pjesën e dytë, pas një goditje të lirë. Interi me këtë fitore rikthehet në vendin e parë në Serie A.