Lulzim Basha bën mbledhjen e parë si kryetar i PD-së, por vjen 30 minuta me vonesë në takimin me Kryesinë

Nga Isa Myzyraj Përditësimi i fundit 30 Korrik 2023, 19:03

Një ditë pas zgjedhjes në krye të Partisë Demokratike, Lulzim Basha ka mbledhur sot Kolegjin e Kryetarëve të partisë.

Mësohet se gjatë mbledhjes së sotme, Basha e ka nisur fjalimin e tij me një falënderim për punën e bërë për zgjedhjet e djeshme.

“Falënderim për punën e bërë gjatë ditës së djeshme”, mësohet se i është drejtuar Basha të pranishmëve.

Siç shihet në fotot e mëposhtme, disa nga pjesëmarrësit në mbledhje janë Enkelejd Alibeaj, Indrit Sefa, apo edhe Endri Hasa.

Nderkaq mësohet se në orën 20:00 do të bëhet mbledhja e Kryesisë, mbledhja e cila nuk do të bëhet në hotel, por ajo do të zhvillohet në zyrat e PD.

“Nesër (sot), date 30 Korrik 2023, ora 20:00 do të bëhet mbledhja e kryesisë në zyrat e PD. Faleminderit!”, thuhet në mesazhin e PD-së.

E ndërsa kishin kaluar 30 minuta nga ora 20:00 kur dhe është thirrur ky takim, gazetari Isa Myzyraj bën me dije nga selia se Lulzim Basha është paraqitur në mbledhje, gjysem ore me vonese.

Të pranishëm

1 Fitim Zekthi

2 Taulanda Jupi

3 Arbi Agalliu

4 Gazmend Koduzi

5 Oriola Pampuri

6 Gentian Gaba

7 Kreshnik Çollaku

8 Flutura Açka

9 Merita Bakiu

10 Xhemajl Gjunkshi

11 Enkelejd Alibeaj

12 Taulant Zeneli

13 Endri Hasa

14 Indrit Sefa

Në mbledhjen me Kryesinë, pritet të diskutohet se si do të zhvillohen hapat e mëtejshëm, për ta nxjerrë PD-në nga ngërçi, por dhe një zgjidhje për problemet politike.

Një grup i rëndësishëm mungon në mbledhje, kryesuar nga Gazment Bardhi, i cili i kundërshtoi kategorikisht zgjedhjet e djeshme.

Nuk janë në mbledhje:

Gazment Bardhi

Helidon Bushati

Lefter Geshtenja

Saimir Korreshi

Bledjon Nallbati

Dhurata Cupi

Dashnor Sula

Juela Hamati

Jonila Godole

Kanë dhënë dorëheqjen:

Jorida Tabaku

Flamur Hoxha

Oriela Nebiaj

Nga Grupi që ka mbështetur Bashën mungojnë:

Roland Bejko

Agron Kapllanaj

Lulzim Basha fitoi drejtimin e Partisë Demokratike me rreth 90% të votave. Nga 25 mijë anëtarë, kanë qenë gjithsej 18052 votues, ku vetëm 199 fletë kanë qenë të pavlefshme.