Zhdukja e Sulovarit dhe Theodhorit, Muhamet Rrumbullaku zhvillon takime në Sarandë
Nga OraNews Përditësimi i fundit 2 Maj 2023, 19:43
Drejtori i Përgjithshëm i Policisë së Shtetit, Muhamet Rrumbullaku dhe Neritan Nallbati drejtori i Policisë Kriminale, kanë mberritur menjëherë pas takimit të zhvilluar paraditen e sotme, në Drejtorinë e Përgjithshme të Policisë së Shtetit, me familjarë të dy shtetasve të kallëzuar si të humbur, në Sarandë, ka mbërritur pasditen e sotme, në Komisariatin e Policisë, për të parë nga afër punën hetimore dhe kërkimore që po bëhet për gjetjen e dy shtetasve të humbur.
Takimi ka pasur për qëllim analizimin e situatës, prova të grumbulluara dhe vendimarja për arrestime.
Mësohet se Drejtori i Përgjithshëm, gjatë takimit, i ka njohur familjarët, me punën e pandërprerë hetimore dhe kërkimore të strukturave të Policisë së Shtetit, në bashkëpunim me agjencitë ligjzbatuese, për gjetjen e dy shtetasve.
Policia e Shtetit e ka vlerësuar maksimalisht që në fillesë këtë ngjarje dhe jemi duke punuar intensivisht. Ai i siguroi se hetimet dhe kërkimet për këtë rast do të thellohen akoma më shumë.
Siç duket, Rrumbullaku ka mbërritur në Komisariatin e Policisë Sarandë dhe pritet të zhvillojë një analizë të detajuar të punës së kryer deri në këto momente, për të vendosur për mënyrën se si Policia do të procedojë në vijim, mbi bazën e provave që ka mbledhur dhe administruar tashmë, me qëllim gjetjen e dy shtetasve.
Pak më herët ka mbërritur në Sarandë edhe Drejtori i Policisë së Vlorës, Ermal Muça.
