Masakër në një fermë në Afrikën e Jugut me 10 të vdekur, viktima më e re 13 vjeç
Nga OraNews Përditësimi i fundit 21 Prill 2023, 18:59
Persona të armatosur sulmuan një shtëpi ferme në një qytet jashtë Pietermaritzburg, Afrika e Jugut, dhe i zunë pritë një familjeje, duke vrarë 10 njerëz.
Policia nuk ka specifikuar motivin e sulmit. Dy të dyshuar janë arrestuar për vrasjen e shtatë grave dhe tre burrave. Një i dyshuar i tretë u arratis ndërsa bashkëpunëtori i tyre i katërt u vra në një shkëmbim zjarri me policinë. Më i riu nga viktimat ishte një djalë 13-vjeçar.
Afrika e Jugut, një vend me 60 milionë banorë, ka një nga normat më të larta të vrasjeve në botë. Rreth 20,000 vrasje regjistrohen çdo vit. Sipas Gun Free South Africa, e cila lufton kundër zotërimit të armëve, mesatarisht 30 njerëz vriten çdo ditë.
“Është një skenë e tmerrshme krimi. Kaq shumë njerëz kanë humbur këtu," tha Beki Chele, ministri i policisë, duke folur në transmetuesin publik SABC nga Pietermaritzburg në provincën KwaZulu-Natal. Cele tha se administrata e policisë duhet të diskutojë nëse krahina ka nevojë për më shumë burime policore.
Në janar, persona të armatosur vranë tetë persona dhe plagosën tre të tjerë në një festë ditëlindjeje në Geberha në Kepin Lindor.
