Nëna i jep vajzës telefonin për të luajtur, ajo blen 2700 euro lodra
Nga OraNews Përditësimi i fundit 6 Prill 2023, 18:40
Ajo la për pak kohë celularin me vajzën e saj 5-vjeçare dhe e gjeti veten me një porosi prej 2700 euro nga Amazon. Ja çfarë i ka ndodhur një nëne 26-vjeçare në SHBA.
Jessica Nunes nga Westport, Massachusetts, harroi të kycte telefonin e saj dhe e vogla, Lila, filloi të blinte lodra.
Fillimisht ajo mendoi se ishte një mashtrim, por vetëm kur hapi historinë e saj të blerjeve zbuloi listën e blerjeve: biçikleta elektrike, çizme kauboj dhe madje edhe një Jeep.
Xhesika harroi se kishte aplikacione në pajisjen e saj ku mund të bëni blerje pa pasur nevojë të konfirmoni kartat e kreditit.
Ajo i kishte lënë telefonin vajzës së saj teksa ishin në makinë, por ishte e bindur se ajo po luante një nga lojërat e shkarkuara në smartfonin e saj. Dhe në vend të kësaj, e vogla ishte duke bërë blerje në Amazon.
Nëna ka treguar për "Good Morning America" se zbuloi se vajza e saj Lila kishte blerë lodrat e shumëdëshiruara pas një mëngjesi në park, në të cilat kishte parë fëmijë të tjerë duke luajtur me gjërat që kishte blerë më pas. Fatmirësisht ai shpjegoi se të gjitha blerjet e papritura tashmë janë anuluar ose janë në proces kthimi.
