Takimi Tsai-McCarthy,  reagon ashpër Pekini: SHBA po luan me zjarrin

Nga OraNews Përditësimi i fundit 6 Prill 2023, 12:48

“Një mike e madhe e Amerikës” kështu e ka quajtur Tajvanin Kryetari i Dhomës së Përfaqësuesve, Kevin McCarthy gjatë vizitse së Presidentes së Tsai In në Kaliforni. I menjëhershëm ka qenë dhe reagimi i Kinës duke deklaruar se SHBA po luante me zjarrin për çështjen e Tajvanit.

Kina ka nisur stërvitjet ushtarake në përgjigje të një takimi midis presidentit të Tajvanit Tsai Ing-ëen dhe kryetarit të Dhomës së Përfaqësuesve të SHBA Kevin McCarthy.

Ata u takuan në Kaliforni të mërkurën, një javë pasi presidenti Tsai u nderua në Nju Jork me një çmim udhëheqës.

Në një konferencë të përbashkët për shtyp, zyrtari i lartë amerikan tha se është besimplotë se do të gjenden mënyra për bashkëpumin mes 2 vendeve për të mbështetur lirinë ekonomike, demokracinë, paqen dhe stabilitetin. McCarthy gjithashtu e cilësoi presidenten Tsai In-ëen si një mike të madhe të Amerikës.

Ndërsa presidentja Tsai foli për rreziqet ushtarake që paraqet Kina për vendin e saj.

Ajo tha se Tajvani kërkon “një status quo” paqësore dhe të bëhet një partner i qëndrueshëm për botën.

Pekini, nga ana tjetër, është zotuar për një "përgjigje të vendosur" dhe ka dërguar anije luftarake në ujërat përreth ishullit të vetëqeverisur. Tajvani, me sa duket, është kapur në mes të një trekëndëshi të rrezikshëm dashurie.

Presidentja Tsai mund të mos dëshirojë ende një vizitë tjetër kontestuese të një lideri amerikan në Tajvan - por ajo gjithashtu duhet t'i tregojë Kinës se nuk do të ketë sukses në mbylljen e kontaktit midis një qeverie të zgjedhur në mënyrë demokratike në Taipei dhe aleatit të saj më të fuqishëm në Uashington.

Dhe kështu, takimi në Kaliforni McCarthy nuk e ka minimizuar atë, duke e quajtur takimin "dypartiak", pavarësisht paralajmërimit të Kinës se SHBA "po luante me zjarrin për çështjen e Tajvanit".

Më pas, Shtëpia e Bardhë tha se nuk kishte nevojë që Pekini të "tepronte" ndaj takimit. Ishulli i vetëqeverisur, të cilin Pekini e pretendon si pjesë të territorit të tij, është padyshim pika më e madhe e përplasjes midis SHBA-së dhe Kinës.