Turisti austriak, 68-vjeçar humb rrugën në një fshat të Krujës, policia i vjen në ndihmë
Nga OraNews Përditësimi i fundit 23 Shkurt 2023, 22:09
Një turist austriak i cili kishte humbur në një fshat të Krujës u gjet nga policia pas një telefonate për ndihmë nga turisti.
"Mbrëmjen e sotme, salla operative Krujë, ka marrë njofim se një shtetas austriak (turist) 68 vjeç, duke vizituar në fshatin Kurcaj, Krujë, urën e Abdyl Agës, kishte ngatërruar rrugën dhe kërkonte ndihmën e Policisë, pasi ishte ngjitur në mal.Shërbimet e Komisariatit të Policisë Krujë, pas marrjes së njoftimit janë nisur menjëhere për ti arrdhur në ndihmë.", njofton policia.
Rreth orës 21:00, shërbinet e Policisë, mundën të lokalizojnë vendndodhjen e 68-vjeçarit, i cili ishte në gjendje të mirë shëndetësore.
68-vjeçari ka falënderuar shërbimet e Policisë për reagimin në kohë dhe ndihmën e dhënë.
