I kërkuar për atentatin ndaj prokurorit Artan Ndoja, kapet në Abu Dhabi 39-vjeçari, Dritan Shkëmbi
Nga OraNews Përditësimi i fundit 23 Shkurt 2023, 16:19
40 muaj pas atentatit në mbikalimin e Shkozetit, ku mbeti i vrarë shoferi i prokurorit të Durrësit, Arjan Ndoj dhe ku mbeti i plagosur ky i fundit dhe Aleksandër Laho, në Abu Dabi është arrestuar një prej personave të dyshuar.
39-vjeçari Amar Alias Dritan Shkëmbi u arrestua nga Interpoli I Emirateve të Bashkuara Arabe pas kërkesës së autoeriteve shqiptare për ta ekstraduar atë.
Ndaj tij, GJKKO ka caktuar masën e sigurisë “Arrest në burg”, për veprat penale “Vrasja e funksionarëve publikë”, mbetur në tentativë, “Vrasja në rrethana cilësuese”, “Mbajtja pa leje dhe prodhimi i armëve luftarake dhe i municionit, “Grup i strukturuar kriminal” dhe “Kryerja e veprave penale nga grupi i strukturuar kriminal”.
39-vjecari u shpall në kërkim me urdhër të SPAK dhe vendim të Gjykatës së Posaçme, në janar të këtij viti ku u arrestua për të njëjtën dosje edhe Genti Ndërjaku alias Kili Ndërjaku, Bashkim Haxhia, Marsel Decka, Endrit Sinani, dhe Juljan Pjetri.
Ndërkohë, Plarent Dervishaj, Ramazan Rraja dhe Julian Meçe janë shpallur në kërkim si organizatorë të atentatit.
Ish-prokurori Arjan Ndoj ra pre e një atentati më 1 nëntor 2019 në mbikalimin e Shkozetit në Durrës. Në këtë ngjarje mbetën të plagosur edhe miku i tij Aleksandër Laho i njohur si ‘Rrumi’ si dhe humbi jetën në spital, shoferi i prokurorit Ndoj, Andi Maloku.
Pista kryesore e hetimeve është se objektiv I atentatit, ishte Aleksandër Laho, ndaj të cilit personat e dyshuar po organizonte një sulm të dytë. Ky fakt ka dalë nga përgjimet e kryera prej SPAK që firmosi më pas edhe urdhër-arrestet ndaj tyre.
Sipas prokurorisë, e gjithë përplasja mes dy grupeve ka ardhur si pasojë e konflikteve për pronat në bregdet.
