Tesla tërhiq 363,000 automjete, rrezik aksidenti nga sistemi autonom i drejtimit
Nga OraNews Përditësimi i fundit 16 Shkurt 2023, 22:34
Tesla po tërheq 362,758 makina në SHBA, duke përmendur probleme me softuerin e saj plotësisht autonom të drejtimit që mund të shkaktojë aksidente të rënda.
Tërheqja prek 2016 deri në 2023 Model S, 2017 deri 2023 Model X, Model 3 dhe 2020 deri 2023 Model Y me softuerin FSD Beta.
Administrata Kombëtare e Sigurisë së Trafikut në Autostrada të SHBA (NHTSA) vlerëson se problemet i lejojnë makinat të tejkalojnë kufijtë e shpejtësisë, si dhe të "kalojnë kryqëzimet në mënyrë të paligjshme ose të paparashikueshme".
Sjellja e makinave autonome të kompanisë së Elon Musk rrit rrezikun e përplasjes dhe shkaktimit të një aksidenti të rëndë.
Sipas NHTSA, problemet mund të ndodhin në kushte shumë specifike, kur makina kalon në të verdhë në kryqëzime të caktuara ose në kushte të caktuara të dritës së diellit.
Tesla do të vërë në dispozicion falas një përditësim të softuerit over-the-air (OTA).
Megjithatë, ai thekson se nuk e di nëse ka ndodhur ndonjë aksident apo përplasje për shkak të softuerit të drejtimit autonom.
