Aksident te "Uji i Ftohtë" në Vlorë, makina përplas 40-vjeçarin me motor dhe largohet
Nga Edi Ruçi Përditësimi i fundit 16 Shkurt 2023, 17:22
Një 40-vjeçar mbeti i plagosur në një aksident rrugor në Vlorë. Ngjarja ka ndodhur rreth orës 16:15, në rrugën “Murat Tërbaçi”, në lagjen “Uji i Ftohtë”.
Një automjet tip “Benz”, është përplasur me një motomjet me drejtues shtetasin D. F., 40 vjeç, i cili ndodhet në spital, jashtë rrezikut për jetën.
Drejtuesi i automjetit është larguar nga vendi i aksidentit.
Grupi hetimor po punon për identifikimin e kapjen e drejtuesit të automjetit dhe përcaktimin e shkaqeve të aksidentit.
