65 vjeçari harxhon 2500 £ për një statujë silikoni të gruas së tij pasi ajo vdiq
Nga OraNews Përditësimi i fundit 6 Janar 2023, 09:42
Një 65-vjeçar në Indi ka bërë një statujë silikoni në përmasa reale të gruas së tij pasi e humbi atë nga Covid-19.
Tapas Sandilya, nga Bengali Perëndimor, ndërtoi kopjen reale me koston e 2.5 lakh Rs (afërsisht 2,500 £), për të nderuar kujtimin e saj.
Sandilya humbi bashkëshorten e tij Indrani gjatë valës së dytë të pandemisë Covid në maj 2021. Ajo u dërgua në spital, ndërsa ai u detyrua të izolohej, raportoi gazeta South China Morning Post, duke shtuar se 59-vjeçarja ndërroi jetë pa askënd pranë shtratit të saj.
Kopja e saj prej 30 kg silikoni, e stolisur me një sari mëndafshi dhe bizhuteri, tani është ulur me duart e kryqëzuara, në një karrige lëkundëse, vendi i saj i preferuar në shtëpinë e tyre.
Sandilya synon të përmbushë dëshirën e gruas së tij përmes statujës, tha ai për The Times of India, pasi tha se gruaja e tij i kishte kërkuar që të ndërtonte një statujë të saj.
"Ne vizituam tempullin Iskcon në Mayapur një dekadë më parë dhe nuk mund të ndalonim së admiruari statujën e gjallë të themeluesit të urdhrit AC Bhaktivedanta Sëami," tha ai.
“Indrani kishte dëshirën e saj për një statujë të ngjashme nëse ajo do të vdiste para meje.”
I kënaqur me vëmendjen që po merr nga fqinjët e tij, Sandilya tha: "Gruaja ime vdiq më 4 maj 2021 dhe unë thjesht doja t'i plotësoja dëshirën".
