Zogu fluturon nga Alaska në Australi pa u ndalur, thyen rekordin botëror
Nga OraNews Përditësimi i fundit 5 Janar 2023, 21:59
Kur zogu Godwit fluturoi 8,435 milje pa ndalesë nga Alaska në Tasmania, Australi, ai tejkaloi rekordin e mëparshëm për migrimin më të gjatë pa ndalesë nga një zog.
Udhëtimi 11-ditor pa pushim apo ushqim u gjurmua nga një etiketë satelitore në zogun shtegtar.
Sipas rekordeve botërore Guinness, Godwit (Limosa lapponica), i njohur me numrin e etiketës "234684", fluturoi 13,560 kilometra (8,435 milje) nga Alaska në shtetin australian të Tasmanisë pa u ndalur për ushqim ose pushim, duke thyer rekordin, për migrimin më të gjatë të pandërprerë të një zogu.
Godwit e këtij viti tejkaloi rekordin e mëparshëm prej 217 miljesh, i cili u vendos në vitin 2020 nga një zog tjetër i së njëjtës specie.
Eric Woehler nga Birdlife Tasmania tha për Guinness World Records se zogu ndoshta humbi "gjysmën ose më shumë të peshës së tij trupore gjatë fluturimit të vazhdueshëm të ditës dhe natës".
