Shuhet legjenda e futbollit brazilian dhe atij botëror, Pele
Nga OraNews Përditësimi i fundit 29 Dhjetor 2022, 20:09
Shuhet legjenda e futbollit brazilian dhe atij botëror, Pele.
Prej ditësh ai ishte shtruar në spital, pasi trupi i tij nuk i përgjigjej më kimioterapisë duke kaluar në terapi intensive pas betejës me kancerin në zorrën e trashë.
Gjatë kësaj kohe dy vajzat e tij qëndruan pranë babait të tyre në spital.
Pak ditë më parë me anë të një mesazhi prekës, e bija e tij Keli Naskimento, paralajmëroi që ditët e Pelesë ishin të numëruara.
“Ne jemi akoma këtu, në këtë betejë dhe me besim. Një tjetër natë së bashku”, duke publikuar dhe pamjet e fundit ku shfaqet në foto duke përqafuar Pelenë, ndërsa vajza tjetër shfaqet e shtrirë në kolltukun e dhomës së spitalit.
