Debat në studio, Shtubina thotë se Tirana i kishte frikë, Aleksi: E tregojmë ndeshjen tjetër me fitore
Nga OraNews Përditësimi i fundit 13 Nëntor 2022, 22:48
Ndeshja e fundit mes Tiranës dhe Egnatias ka hapur debate në studion e emisionit “Ora Sport“ në “RTV Ora“. Shtubina është përplasur me batuta me Albano Aleksin.
Drejtori teknik i Egnatias ka thënë fillimisht se nuk është mërzitur nga humbja me Tiranën, pasi sipas tij bardheblutë e kishin frikë Egnatian.
Por menjëherë ka ardhur edhe kundërpërgjigja nga Albano Aleksi, i cili nuk e pranon frikën te Tirana, ndërsa më pas sfidon me ndeshjen e ardhshme në fazën e tretë. Mesfushori i bardhebluve premton se do i mposhtin përsëri, për t’i vërtetuar kështu se nuk i frikësohen askujt.
Shtubina: “Nuk jam i mërzitur me humbjen me Tiranën, sepse Tirana na kishte frikë”.
Aleksi: “Kështu e mendon drejtori. Të ketë Tirana frikë Egnatian… Tirana nuk ka frikë asnjë”.
