Vajza që punon DJ "Kur marrin vesh që jam kampione në karate, nuk më ngacmojnë"
Nga OraNews Përditësimi i fundit 8 Nëntor 2022, 19:36
Sonja Bajramaj në emisionin “Jeto me Orën” tregoi rreth dy pasioneve të saj atë të karatesë dhe qenit pjesë e muzikës.
Sonja Bajramaj: Fundjavën që lamë pas isha pjesë e Kampionatit Ballkanik. Në ndeshjen e parë fitova, në ndeshjen e dytë me një kosovare humba. Pjesën e muzikës nuk e kisha menduar kurrë ta filloja. Disa shokë të mitë dhe Arditi po krijojmë një grup. Po merremi me projekte të reja. Gjithçka nisi kur hodha një video në tik-tok dhe u bë virale. Ashtu filloi e gjitha. Kur e pash që kisha talent, pse të mos e filloja?
Kërkesat që Sonjaka marrë për të punuar janë të shumta, por ajo tregohet selektive në zgjedhjet e saj.
Sonja Bajramaj: Filluan kërkesat në një mënyrë që as unë nuk e kam pritur. Unë nuk mund të shkoj në çdo lloj klubi nate se i dimë dhe ngacmimet që bëhen por kam menduar të zgjedh vendet.
A ka parë shikime të çuditshme Sonja Bajramaj gjatë kohës që është në punë?
Sonja Bajramaj: Kam pasur shumë sidomos herët e fundit që kam performuar kam pasur ngacmime por kam qenë e shoqëruar dhe ka mbetur aty. Më shoqëron babi, motra dhe i kam mbështetje të madhe në rrugën që po bëj. Në fillim unë e kisha pak problem se nuk e dija si do të dal natën të performoj, më pas kur e pashë që isha dhe e shoqëruar dhe nuk kishte problem vendosa të shkoj.
Po kur e marrin vesh që ajo është kampione në karate si veprojnë?
“Kur marrin vesh që jam kampione në karate, nuk më ngacmojnë.”, shprehet ajo.
Sonja tregon se hera e parë që ka performuar ka qenë shumë emocionuese për të.
Sonja Bajramaj: Kur ka qenë hera e parë që performova filluan të gjithë të kërcenin për tre orë ka qenë emocion i madh. Deri tani të gjitha mbrëmjet kanë qenë të gjitha të suksesshme.
