Zbulohet tuneli i gdhendur në shkëmb, konsiderohet si një 'mrekulli gjeometrike'
Nga OraNews Përditësimi i fundit 8 Nëntor 2022, 17:51
Një tunel i gdhendur nëpër shtresa shkëmbi është zbuluar nën tempullin e lashtë të Egjiptit Taposiris Magna, i cili mund të çojë në varrin e humbur prej kohësh të Kleopatrës.
Tuneli shtrihet për më shumë se 43 metra nën një tempull të lashtë.
Arkeologia Kathleen Martinez e Universitetit të San Domingos ka qenë e bindur për më shumë se një dekadë se faraoni i fundit i Egjiptit Kleopatra dhe i dashuri i saj Mark Antony u prehën brenda tempullit dhe është e sigurt që tuneli mund të jetë rruga drejt këtij zbulimi.
Tempulli Taposiris Magna, emri i të cilit do të thotë 'varri i madh i Osiris', ndodhet pranë qytetit egjiptian të Aleksandrisë, dikur kryeqyteti i vendit.
Martinez tha se gjetja e eshtrave të faraonit të fundit të Egjiptit do të ishte "zbulimi më i rëndësishëm i shekullit të 21-të".
