Konspiracionisti Alex Jones dënohet tu paguajë familjeve të viktimave të Sandy Hook 965 mln dollarë
Nga OraNews Përditësimi i fundit 13 Tetor 2022, 18:59
Konspiracionisti Alex Jones tani po kërkon para pasi u urdhërua të mbledhë një shumë të madhe parash për pretendimin se masakra e Sandy Hook ishte një mashtrim.
Një juri e Konektikatit urdhëroi konspiracionistin e ekstremit të djathtë të paguante 965 milionë dollarë (545 milionë £) si dëmshpërblim për familjet e shumta të viktimave të të shtënave masive të vitit 2012.
Jones po priste emisionin e tij Infowars ndërsa verdikti po lexohej dhe ai tha se shpreson të luftojë shumën përmes një apeli. Megjithatë, ai tha se ka nevojë për ndihmë nga ndjekësit e tij nëse do ta bëjë këtë.
Një Alex Jones i zjarrtë u ul pas mikrofonit për t'u thënë fansave të tij se vendimi ishte përdorur thjesht si një taktikë frikësimi.
“Ata duan të trembin të gjithë nga liria dhe të na trembin që të mos marrim në pyetje Uvalde, dhe çfarë ndodhi me të vërtetë atje ose Parkland apo ndonjë ngjarje tjetër. Ne nuk kemi frikë, nuk do të largohemi dhe nuk do të ndalemi.”
“Me qindra mijëra dollarë, unë mund t'i mbaj në gjyq për vite, mund t'i apeloj këto gjëra, ne mund të ngrihemi kundër kësaj. Kjo është një shaka."
Prezantuesi i emisionit radiofonik më pas u kërkoi fansave të tij që të vizitojnë faqen e internetit të InfoWars për të blerë artikuj, me të ardhurat që shkojnë drejt Jones që vazhdon të luftojë çështjen e tij.
