“Thesaret e trashgimisë kulturore", fëmijët prezantojnë veshje, këngë e valle nga krahinat e Lezhës
Nga Ora News Përditësimi i fundit 30 Shtator 2022, 12:38
Këto vajza tregojnë 5 veshjet e krahinave të Lezhës.
Të ndryshme në formë dhe detaje, dëshmi e pasurisë etnografike të zonës, që po synohet të përcillet nga brezi në brez.
Në ditën e Ditës së Trashëgimisë Kulturore, u zgjodhën fëmijët për të prezantuar veshjet, këngët e vallet, që tregojnë kulturë dhe identitet.
Jo pa qëllim aktiviteti u mbajt në memorialin e heroit Kombëtar Gjergj Kastrioti Skënderbeu.
"Nuk ka elementë, po themi, fetarë, kristianizmi, por ka elementë të antikitetit të hershëm me veshjen e vjetër ilire," tha Paulin Zefi, Përgjegjës i Trashëgimisë Kulturore, Bashkia Lezhë.
Ruajtja, promovimi dhe prezantimi i këtyre vlerave të trashëgimisë kulturore, është detyrë e të gjithëve, ishte ky mesazhi i aktivitetetit.
"Ta evidentojë, sa herë i është dhënë mundësia dhe të hulumtohet i gjithë aseti që ne kemi," tha Pjerin Ndreu, Kryetar i Bashkisë Lezhë.
Të pranishëm në këtë aktivitet ishin një grup studentesh të historisë, të cilët u njohën me traditat dhe objektet e trashëgimisë së rajonit të Lezhës.
