Tërmeti me magnitudë 7.4 nxjerr në rrugë meksikanët, ndodhi në përvjetorin e dy tërmeteve vdekjeprurëse. Alarm për cunami
Nga OraNews Përditësimi i fundit 19 Shtator 2022, 22:04
Një tërmet i fuqishëm me magnitudë 7.4 ka ndodhur mesditën e së hënës në Meksikë, në brigjet e Oqeanit Paqësor.
Epiqendra e tërmetit ishte në shtetin Michoacán, në qendër të vendit. Thellësia fokale është 15 kilometra.
Për shkak të fuqisë së lëkundjeve, por edhe epiqendrës shumë pranë bregut, tashmë është dhënë paralajmërimi për cunami.
Mijëra njerëz kanë dalë në rrugë, ndërsa deri më tani nuk raportohet për viktima apo dëme të rënda materiale.
“Ne sinqerisht shpresojmë se asgjë serioze nuk ka ndodhur”, shkroi në Twitter presidenti meksikan Andrés Manuel López Obrador.
Sipas Shërbimit Gjeologjik Amerikan (USGS), tërmeti ka qenë me magnitudë 7.6 ballë, epiqendra e tij ka qenë 37 kilometra në juglindje të qytetit të Aquia dhe thellësia fokale është vlerësuar rreth 15 kilometra.
Për shkak të magnitudës së tërmetit, Qendra e Paralajmërimit të Cunamit në SHBA lëshoi një paralajmërim për cunami 1-3 metra për bregdetin meksikan dhe për cunami më të vogla (deri në 0.3 m) në brigjet e Kolumbisë, Kosta Rikës, Ekuadorit, El Salvadorit, Guatemalës, Hondurasit, Nikaraguas, Panamasë dhe Perusë.
Rastësisht, të hënën, një stërvitje e madhe për simulimin e tërmetit u zhvillua në Meksikë, rreth një orë para lëkundjes në Paqësor.
Subscribe????TELEGRAM: https://t.co/Uw6hADD307
— BRAVE SPIRIT (@Brave_spirit81) September 19, 2022
POWERFUL EARTHQUAKE IN MEXICO.
An earthquake of magnitude 7.4 occurred in the west of the state of Michoacán. The source lay at a depth of 25 km. The epicenter was located 103 km from the city of Colima.#sismo #earthquake #Michoacan pic.twitter.com/rdgp7fXOOR
Është përvjetori i dy tërmeteve që goditën Mexico City dhe zona të tjera në 1985 dhe 2017.
Në rastin e parë, lëkundjet ishin një nga më vdekjeprurëset në vend, me rreth 5000 të vdekur në kryeqytet, ndërsa në vitin 2017, brenda pak ditësh vendi u godit nga dy lëkundje me magnitudë 8.1 dhe 7.1 ballë që lanë pas më shumë se 350 të vdekur.
Los y las trabajadoras de la Agencia de Energía del Estado, participamos en el #SimulacroNacional2022 con el apoyo de @PC_Estatal.
— Agencia de Energía del Estado de Puebla (@EnergiaPuebla) September 19, 2022
Ubicamos las rutas de evacuación, salidas de emergencia y seguimos las indicaciones de los brigadistas????????♀️???????? pic.twitter.com/Xc75GLpBe7
