"Mbijetoni për 6 muaj në luftë që t'ju falim dënimin", Rusia tani me sytë nga abuzuesit seksualë
Nga Ora News Përditësimi i fundit 15 Shtator 2022, 13:53
Një ndër drejtuesit më të lartë të ushtrisë ruse është filmuar duke u ofruar falje të dënimit kriminelëve dhe abuzuiesëve seksualë të burgosur në një burg rus - nëse mbijetojnë duke luftuar në Ukrainë për gjashtë muaj.
Shefi i Wagner-it, Yevgeny Prigozhin, 61 vjeç, u tha të burgosurve se duhet të sakrifikonin jetën e tyre në rast se do të kapeshin në Ukrainë, duke mbajtur një granatë për armikun dhe një për veten e tyre.
Video tregon Prigozhin duke u thënë kriminelëve se mund të bëhen heronj lufte ose të pushkatohen si dezertorë, ndërsa Kremlini rrit rekrutimin e të burgosurve pasi pësoi një disfatë poshtëruese kundër ushtrisë së Ukrainës në lindje.
Vrasësve, abuzuesve seksualë dhe hajdutëve u ofrohet liri e menjëhershme dhe një falje nga Kremlini nëse mbijetojnë gjashtë muaj në vijën e parë të luftës së përgjakshme.
"Ata që vdesin do të varrosen 'si heronj'," u thotë ai, shkruan Daily Mail.
