Çmim tavan për naftën ruse, kështu e festuan politikanët në Parlamentin Europian vendimin e G7-ës

Nga OraNews Përditësimi i fundit 3 Shtator 2022, 20:42

Kjo ishte festa që shpërtheu në Parlamentin Evropian të premten pas vendimit të G7 për të vendosur një çmim tavan për blerjen e  naftës ruse.

Vendimi u mor nga Ministrat e Financave të vendeve anëtare të G7-së.

Në mbledhjen e tyre që u mbajt në Gjermani ata u shprehën se ky vendim do të sjellë pasoja pozitive në tregjet ndërkombëtare të energjisë. Ende nuk është vendosur vlera e saktë e këtij çmimi tavan.

Më herët edhe presidentja e Komisionit Europian Ursula fon der Leyen mbështeti idenë e një çmimi tavan jo vetëm për naftën, por edhe për gazin rus.

Ky propozim ka mbështetjen edhe të SHBA e Britanisë së Madhe. Ideatorët përllogarisin që çmimi të jetë aq i ulët sa Moska të mos arrijë të financojë fushatën ushtarake në Ukrainë dhe të dështojë.

Pas këtij vendimi Kremlini është shprehur se do të ndalojë furnizimin me naftë për shtetet që do të zbatojnë kufirin e çmimeve.