Prindërit e harrojnë në makinë, humb jetën 2-vjeçarja nga temperaturat e larta
Nga OraNews Përditësimi i fundit 1 Shtator 2022, 18:47
Një ngjarje e rëndë ka ndodhur në New Jersey, ku një vajzë dy vjeçare ka ndërruar jetë.
Një vajzë në moshën 2-vjeçare ka humbur jetën pasi prindërit e harruar në makinë.
Sipas mediave të huaja, ngjarja ka ndodhur në New Jersey, ku prindërit e lanë vajzën brenda makinës për shtatë orë, dhe ajo nuk mund të përballonte dot temperaturat e larta të krijuara.
Sipas DailyMail, makina ka qenë e parkuar në rrugë, pranë shtëpisë së familjes.
Fëmija u gjet nga një fqinj i familjes, i cili thirri ambulancën, raportojnë mediat e huaja.
Fatkeqësisht, vogëlushja pësoi arrest kardiak dhe u tentua metoda “CPR”, por ishte tepër vonë.
